يعنى اية رزق ؟

بسم الله الرحمن الرحيم

اللهم علمنا ما ينفعنا و انفعنا بما عملتنا و زدنا علما انك انت العليم الحكيم

كتير جدا و انا بتكلم مع صحابى و اقولهم يا جماعة مثلا لازم نعمل كذا علشان نعرف نلاقى شغل ولا مثلا اى حاجة تخص موضوع الشغل و الفلوس و كدا يقولولى يا عم الرزق دا بتاع ربنا و الشغل دا بتاع ربنا و كدا فا لما فكرت فيها لقيت انة اه طبعا كل حاجة بايد ربنا دا متفقين علية لكن لية ال بيزاكر بينجح وال مش بيزاكر بيسقط يعنى هل ربنا كاتب ان الفلان دا رزقة انة يسقط و دا رزقة انه ينجح فا كان دا سبب انة سقط ولا ان دا زاكر فا نجح و دا مزاكرش فا سقط لما كنت بسأل حد مثلا يقولى اية الجواز و الشغل و الكلام دا رزق و مكتوب الله يعنى اماااااا هوا مكتوب انا بتعلم و بتعب و بشتغل لية ماهو مكتوب بقا ولا بتدور على واحدة تتجوزها لية ما بردة مكتوب فا من هنا اتأكدت انة فى حاجة احنا فهمنها غلط منيين كل حاجة مكتوبة و منين احنا بنفكر فى الشغل و كدا المهم يعنى دورت شوية لقيت انة ربنا كاتبلنا الرزق طيب يعنى اييييية رزق؟ تمام هوا دا السؤال الصح .

رزق يعنى الحاجات ال ربنا بيخلقهالك من غير ما تتعب فيها بمعنى ان صحتك رزق و حالة اهلك المادية رزق و البيت ال انتا ساكن فية رزق و الارض ال بنمشى عليها رزق و الاكل ال بناكلة رزق الحاجات ال متوفرالك و انتا مش تعبان فيها هيا دى الرزق ال ربنا كاتبهولنا و دا ال ربنا بيحددهولك و ال مكتوب فى اللوح المحفوظ (  وثبت عن النبي صلى الله عليه وسلم أن الجنين في بطن أمه إذا مضى عليه أربعة أشهر ، بعث الله إليه ملكاً ينفح فيه الروح ويكتب رزقه، وأجله ، وعمله ، وشقي أم سعيد )  منقول الحديث دا من احد المواقع يعنى لا مألفة انا ولا جايبة من كتاب بس هوا تمام يعنى كلامة منطقى تمام , المهم انة عرفنا يعنى اية رزق طيب و الفلوس رزق ؟ يعنى لما تشتغل و كدا و تقبض دا رزقك ؟ الاجابة ان دا حاجة اسمها كسب مش رزق و الكسب هوا انك تسعى علشان حاجة يعنى لما تصحى الصبح و تنزل تشتغل و تقبض اخر الشهر دا كسب اهه مش رزق بقا يبقا الكسب نتيجة عملك و على حسب عملك دا بيكون رزقك و الدليل على كدا ان ربنا قال * و انفقوا من طيبات ما كسبتم *  مقالش و انفقوا من طيبات ما رزقتم يعنى اهه فى فرق يبقا الكسب انة تصحى تشتغل و الكسب انك تدور على واحدة كويسة علشان تصونك و تصون بيتك و اولادك و تحبها و تحبك و تراعى فيك ربنا دا كدا كسب لو مدورتش يبقا مش هتلاقى نتيجة يعنى لما تتجوز واحدة تزهقك فى عيشتك كدا ربما مش غضبان عليك ولا ربنا زعلان منك بس الاجابة ببساطة انتا مدورتش كويس و مفكرتش كويس فا النتيجة انك مكسبتش كويس و فى الشغل لو خلصت كلية و ملقتش شغل و قاعد عالقهوة دا مش علشان ربنا مش رايد ولا علشان ربنا مش عاوز يرزقك دا كله علشان انتا مسعتش كويس حتى لو انتى شايف انك عملت ال عليك بردة مسعتش كويس و الدليل على كدة انه مفيش نتيجة وصلتلها ربنا مش هيجبلك الشغل ولا الفلوس لحد عندك لازم تسعى من فترة كنت بتفرج على مسلسل مريم العذراء فا كتبوا اية بخط عريض كدا على الشاشة لفتت نظرى فا فكرت فيها ساعتها *وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً * لفتت نظرى جدا الاية دى قلت الله طب ما ربنا قادر اساساااا يخلى السيدة مريم اساسااااااااا متجوعش و قادر يخلى قدامها طبق فية كل الفواكة من غير ما تقرب للنخلة اساسا و قادر و بعدين النخللللللة الرهيبة دى هل السيدة مريم ال هيا كدا ولا كدا ست يعنى ضعيفة بردة جسمها ضعيف هل دى هتهز النخلة لدرجة انها تنزل عليها بلح صعبة دى فا لقيت انة اااه ربنا عمل كدا علشان السعى لكسب الرزق ربنا عاوزنا نفرق بين الكسب و الرزق الرزق هنا انه ربنا رزقها اصلا بنخلة لكن سعيها انها تهزر النخلة بس و ربنا هيساعدها بقا فى الباقى و ينزل عليها البلح تاكلة فا احنا كدا بردة نفس الموضوع نفكر بس اننا نشتغل وربنا هيساعدنا و هنكسب ولو احنا مش بنكسب يبقا اكييييد احنا مش بنتعب كما ينبغى و دا ما هو الا قلة عمل مننا ولو حد قالى انا بعمل ال عليا و مش بلاقى مقابل هقولة يبقا المقابل ال انتا طالبة دا عاوز شوية تعب اكتر و هيجيلك فا مفيش حاجة اسمها محدش بينام من غير عشا لا فى لو محاولتش تقوم تشتغل و تدور على عشا مش هتتعشا و هتنام من غير عشا عااااادى جدا يبقا بعد كدا لما تقول رزقى على الله اعرف انه مفيش حاجة اسمها كدا فى حاجة اسمها انا هطلع اشتغل و ربنا بقدرتة هيساعدنى و يكرمنى علشان انا حاولت و تعبت هيكافئنى و على رأي المقولة ال مش عارف مين قالها بس هيا عجبانى

 ليس خطأُك أن تولد فقير لكن خطؤك ان تموت فقير

نعمل ال علينا بس و الدنيا هتتظبط والله و هنلاقى نتيجة و على رأى واحد صاحبى هنطلع لقدام لو فضلنا نقول اتكل على الللللله ربنا هيكررررمك ان شاء الله قدم انتا فى الشغلانه دى و هترزق من غير ما نسعى بجد عمرنا ما هنطلع لقدام بس كدا خلصت كلام و شكرا على وقتك .