أثارنا المصرية بين دولتنا و دول الفرنجة

بسم الله الرحمن الرحيم

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

على الرغم من انى مش مهتم بالاثار المصرية ولا حتى من هواة مشاهداتها بس من وقت للتانى بتابع الاخبار زية زي اى مجال بتابع اخبارة من بعيد , فا خلينا نبدأ الموضوع من أولة

من فترة فكرت فى السؤال دا “هوا فى كام قطعة اثرية مصرية مسروقة من مصر او مهربة ؟” و دورت على جوجل و جاءت الاجابات صادمة كعادة اي سؤال هتسألة عن مصر ! فى مواقع قالت 25.000 قطعة اثرية فيما قبل التاريخ و مواقع قالت 30.000 قطعة و مواقع قالت لم يتم احصاء عدد القطع الاثرية الى الان بالرغم من وجود معاهدات اخرها تم توقيعة سنة 1970 فى اليونسكو بيمنع تداول الاغراض الثقافية ال اهمها طبعا الاثار , بس ماشى مش دى المشكلة

بعدها ب فترة كدا صادفت خبر ان قطع اثرية تباع فى مزادات علنية فى لندن , اتصدمت تانى و الخبر عدا كسابقة , لقيت خبر بالعنوان دا “139 قطعة اثرية معروضة للبيع فى موقع المزادات الامريكى اى باى” , اى باى دا موقع الكترونى للبيع و المزادات يعنى ممكن تلاقى ساعة و موبايل و رأس نفرتيتى مثلا معروضين , ولكن تحركت وزارة الاثار شاكرة و قامت بمنع تداولها على الموقع “كتر خيرهم الصراحة” كفايةقاموا بمنعها كمااااااان هيستردوها لأ طبعا متجيش المهم

13801945526e1d59fa4d

كل دا حمادة و ال حصل فى شهر عشرة ال فات حمادة تانى خالص , و هو خروج هرم سقارة من قائمة الاثار على مستوى العالم , هرررم مش تمثال صغير مثلا حصل فية تلف غير مقصوود مثلا من الترميم ولا كدا لأ هرررم  , يطلع لية ببقا لأان حكومتنا المبجلة ال فيها وزارة الدولة لشئون الاثار و شغال فيها الاف الموظفين و العمال و المرممين , اسندت المهمة لشركة الشوربجى للمقاولات و شركة الشوربجى للمقاولات و كان السبب تحفة بقا انة تم استخدام مواد كيميائية غير مناسبة للاحجار فقامت بتحويل الاحجار لل لون الوردى و التعاقد مع الشركة على حسب كذا موقع اخبارى يعنى كان 32.700.000 و كان فاضل للشركة 25.000.000 لاتمام عمليات الترميم و لما حد قدم بلاغ للنائب العام تفضلت ادارة الشركة بالرد انه لم يتم الانتهاء من الترميمات بعد و لازم الحكومة تدفعلنا ال 25 مليون و طبعا الشركة محصلهاش اى حاجة و الهرم اتخرم , دا غير قصر السكاكيني بمنطقة الظاهر ،قصر شامبليون بالقاهرة  و سور مجرى العيون مناطق اثرية فيها زبالة حاليا زبالة بمعنى زبالة اكياس زبالة مش كلمة مجازية يعنى

سقارة

و حديثا قناع الملك توت عنخ امون فى المتحف المصرى الذى يعتبر اقيم قطعة اثرية موجودة على مستوى العالم دقن التمثال مترممة ب حاجة اشبة بالصمغ , تمثال اثرى عمرة 92 سنة “تم اكتشافية يعنى من 92 سنة على يد العالم البريطانى هوارد كارتر”

توت عنخ امون

طيب احنا ادركنا ان دولتنا لا تحترم شىء غير السخافات و التفاهات فالدولة تبدد التاريخ بالاعداد المهولة المهربة من الاثار و مش بس بتكتفى بالاهمال و التساهل فى كدا لأ و كمان بتتهاون بطريقة مستفذة فى ترميم الاثار المتبقية الموجودة حاليا فعلا امة ضحكت من جهلها الامم دا افضل تعبير يتقال علينا لما نعمل كدا فى تاريخنا احنا فعليا “بلد لا بتحترم الماضى ولا بتقدر الحاضر ولا عاملة حساب للمستقبل ” و اعنى باحنا “المعنيين بالامر فى مصر”

طيب علشان ميكونش الموضوع اظهار السلبيات و بس خلينا نعرف اية اصلا فايدة شوية طوب فوق بعضة اسمة اثار نحافظ علية لية اصلا دى “اصنام” هقولك المفروض نحافظ عليها لية

1 – هي من اهم مصادر الدخل القومى احنا مش بقدر تاريخنا بسببب سخافة حاضرنا لكن الناس العادييييية ال فى بلاد العالم العااااادية ال هما مش احنا عايشين عيشة تسمحلهم انهم يلقوا نظرة على الفن و الجمال و الابداع و الاثار و غيرها علشان كدا هما بيجوا يشوفوا الحاجات دى بيشوفوا ابداع ناس من 7000 سنة فى تصميم هياكل و مبانى عملاقة , بيشوفوا تقدم ناس من 7000 وصلوا لحاجات احنا لسا واصلينلها بكل التقنيات ال معانا دى

2 – دراسة الاثار فى حد ذاتها بتساعد علماء الاجتماع ال هما مش موجودين عندنا , فى انهم يقوموا بتحليل المجتمع البشرى القديم و طرق تقدمة او تخلفة من الاخر كنا ازاى و بقينا ازاى و ازاى نستفيد من ال فات

و دى جزئية مهمة جببتها من ويكيبيديا

الالتقاء بين علم الآثار وفروع الأنثروبولوجيا ينطلق من دراسة علم الآثار للإنسان (من مخلفاته) بوصفه كائناً اجتماعياً، وهنا يتلاقى علم الآثار مع الأنثروبولوجيا الاجتماعية، وللإنسان سلوك وأساليب حياتية في الماضي والحاضر تتطور بالتلاؤم مع المحيط، يستنتجها ويدرسها علم الآثار، ويتلاقى بذلك مع الأنثروبولوجيا الثقافية، كتب الآثاري البريطاني R. E. Mortimer Wheeler الذي عمل في بريطانية وأيضاً اشتهرت أعمله الأثرية في الهند 1943 م. يقول ” إن الآثاري لا ينقب عن أشياء، إنما ينقب عن شعوب” (دانيال 1981: 219) والإنسان أصلاً كائناً بيولوجياً له مسيرة بيولوجية تتكشف في بقاياه العضوية ويهتم بها علم الآثار ويتلاقى بذلك مع الأنثروبولوجيا الفيزيقية، أما من ناحية الأساليب فهنك فرع الأثنواركولوجي الوسيط بين العلمين، وأما في المجال النظري فنظريات الثقافة هي نفسها في علمي الآثار والأنثربولوجيا.

و اخيرا , احنا فاشلين فى اننا نحقق مستقبل افضل للاجيال القادمة بسبب معانتنا فى محاولة اننا احنا نعيش حياة معتدلة فى جيلنا و وقتنا الحالى , فا معندناش اهتمام بحاجة اسمها ثقافة ولا ماضى , بس فى مؤسسة و وزاة كاملة معنية بالامر المفروض ان فيها الاف الموظفين ال بيكلفوا الدولة مليارات , فا المفروض ان الناس دى تتعاقب على اهمالها

خطورة التطور التكولوجي

لم اكن ابدا مناهضا للتكنولوجيا , فمن واقع دراستى و من واقع عملى و خبراتى الحياتية التكنولوجيا جزء اساسى فى حياتى ولكن فى السنة الأخيرة أخذت على عاتقى البحث فى عدة أمور متعلقة بلمس حياتنا اليومية بالتكنولوجيا و أقربها مثالا الفيسبوك , اصبحنا الأن نصمم هوياتنا الالكترونية على موقع فيسبوك و غيرها من المواقع الاجتماعية على سبيل المثال تقوم بتصمييم هويتك الالكترونية العملية على لينكد ان و من ثم تقوم بنشرها , تقوم بتصميم هويتك الاجتماعية على فيسبوك … اصبحنا منفتحين على العالم ولعلنا نقر ان هذا اصبح اكثر من اللازم و اكثر من المطلوب , كم منا يقوم بتحديد مكانة يوميا على فيسبوك او فورسكوير من دون جدوى او من دون هدف ؟؟!! فقط ليعلم شخص ما سيقوم بزيارة صفحتك الشخصية انك كنت هناك اى انه بلا جدوى .
سأقص عليكم قصة حدثت بالفعل , فى العام 2008 قامت مجموعة مسلحة من الارهابيين فى يوم 26 نوفمبر من العام 2008 بالهجوم المسلح على قصر تاج محل بمدينة مومباى بالهند و هى القلب الاقتصادى للهند , و مات اثناء هذا الحصار الذى دام لمدة 3 ايام متواصلة اكثر من 195 شخص , فى هذا الهجوم كان استخدام التكنولوجيا واضحا حتى ان احد الشهود قال ان الارهابيين كانوا يحملون مسدسا فى يد و هاتف فى اليد الاخرى , اقام الارهابيون مركز عمليات و استخدموا تقنيات البحث العادية المتوفرة على شبكة الانترنت , بينما يعمل مركز العمليات فى باكستان فى نفس لحظات نتفيذ الهجمات تمكن الارهابيون من اقتحام احد الاجنحة المؤمنة وجدوا شخص هناك فسألوة
من أنت
أجاب : انا معلم بسيط
فأثار الرد فضولهم كيف لمعلم بسيط الدخول الى تاج محل و كيف لة ان يقيم فى مثل هذا الجناح الفاخر , فقاموا باخذ بطاقة الهوية خاصتة و ارسال اسمة الى مركز العمليات عن طريق الهواتف التى كانوا يحملونها و جائت الرياح , فقد كان ثان اغنى رجل بالهند , رجل اعمال شهير و اجاب مركز العمليات
هل الرهينة , ممتلء الجسم ؟
اجابوا نعم
هل هو اصلع من مقدمة رأسة و يرتدى النظارات ؟
اجابوا نعم
و ما ان اكتشفوا حقيقة هويتة حتى قرروا قتلة و اعطوا الأمر للمنفذين بقتلة فورا .
هكذا تمكن عشرة اشخاص منفذين للهجمات بمساعدة تقنيات لم تكن معقدة انذاك بتهديد مدينة كاملة مثل مومباى و قتل مئات الاشخاص فقط عشرة اشخاص بمساعدة جانب مظلم من التكنولوجيا استطاعوا تحقيق دمار .
هل تعلم كم المعلومات التى توفرها يوميا عن حياتك الشخصية لشبكات التواصل الاجتماعى ؟ بالتأكيد لا يمكنك التخيل
فى عام 1952 قامت الحكومة الامريكية بانشاء وكالة استخبارات معلوماتية ال NSA يقال ان 90% من المعلومات التى تمر عبر شبكة الانترنت تمر من خلال بوابات ال NSA هل تعلم لو قررت مثل هذة المؤسسات الانقلاب علينا فى يوم ما و استخدام المعلومات ضدنا ماذا سيحدث ؟؟ اعلم انه قد يكون امر بعيد التخيل ولكنة هو الواقع من يملك المعلومات هو من يملك القوة و نحن فى عالمنا العربى الان نستفنذ قوانا و لا نكتفى بهذا بل نقوم بامدادهم بمعلومات اكثر و بتفاصيل اكثر عن حياة كل فرد فينا , حياتة الاجتماعية و الشخصية و اماكن تواجدة و هواياتة , ان فكر شخص ما فى استخدام هذة المعلومات ضدك ماذا يستطيع ان يستنتج و ماذا يستطيع ان يفعل بك ؟! أمر بشع

التكنولوجيا مفيدة الطبع ولكنها خطرة , فى نفس الوقت التى يزدهر بة عالمنا التكنولوجى من تواصل و دخول انترنت الاشياء و تمكن الانتنرنت حتى من التواصل مع شرائح تنظيم ضربات القلب , يقوم بعض الاشخاص باستخدام نفس القدر من الازدهار و التطور و لكن هذة المرة فى التدمير , كلما ازداد استخدامنا للتكنولوجيا ازدادت الثغرات التى قد توقعنا فى المشكلات , فقط علينا توخى الحذر علينا قراءة ما نكتب على صفحاتنا على فيسبوك , عبر عن رأيك ولكن لا تنقل حياتك الشخصية بشكل مكتوب الى فيسبوك !
جوجل تقوم الأن بتوجية نتائج البحث للمستخدمين بناءا على 58 مؤشر يقوم بجمعهم عنك 58 مؤشر من بينهم نوع جهازك و المتصفح المستخدم و مكانك و انطباعتك فى البحث و سنك و دولتك الخ .
ماذا لو قرر شخص ما فى مكان ما استخدام مثل هذة المؤشرات لتوجية خطر ما الى جموع الناس التى تحمل هذة المؤشرات , اعلم انه امر قد يصعب تصديقة و لكنة واقع واقع خطير لا نعطية اى اهمية
فقط علينا استخدام التكنولوجيا فى نطاقها المعهود لا تقم باستخدامها فيما يضر ولا ينفع .

C# لية

بسم الله الرحمن الرحيم

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

 c-sharp

اية هوا تاريخ ال c#

ال C#  لغة برمجة انِشأت سنة 1999 على يد واحد اسمة Anders Hejlsberg  و انشأ فريق لتطويرها الفريق دا بيطور فى لغة البرمجة لحد دلوقتى اول ما انشأت انشأت بأسم Cool Programming language و لكن شركة ميكروسوفت اعترضيت لانه مكنش هينفع يكون اسم تجارى فا اختارو C#  الراجل دا هوا ال عمل لغة Pascal و لغة Delphi  و شارك فى عمل Java   سنة 1994 مع واحد اسمة James cosling ,و فى اول سنة انشأت فيها ال سى شارب كان الهجوم عليها قوى جدا من شركة sun-microsystems  ال كان شركاء فيها james cosling & Bill joy  و كانو بيقولو ان ال C#  تقليد للجافا و بالتالى هي لغة برمجة فاشلة

مع مرور اول سنة اكتشفوا ان ال C#  فعلا فيها مميزات من الجافا و لكنها لغة مختلفة فى التصميم لغة صممت باحترافية لتوفير السرعة و الدقة و الهدف الاسمى كان السهولة ف لغة ال C#  لغة سهلة جدا مقارنة بقوتها و دقتها و سرعتها لأن ميكروسوفت عملت بعض الادوات ال تخليك كشخص بيكتب C#  تشيل من تفكيرك بعض الحاجات ال بتؤدى على سرعة البرنامج بتاعك + غيرك فى لغات تانية بياخد فيها اضعاف الوقت ال انتا بتعمل بية البرنامج يعنى لو انتا عملت البرنامج فى شهر هوا هيعملة فى شهرين او تلاتة علشان يراعى المعااير ال معمولة فى ال C#  بدون تدخل منك .

 اية هيا مميزات ال c#

السى شارب ال syntax  بتاعها مقتبس من Java  +  C++  +  VB  طيب لية ناس عاملين لغة برمجة جديدة يخلو ال syntax   متشابة مع لغات تانية ؟ ببساطة لأنه تجاريا بكدا هيقدر يجذب عدد مهووول من مبرمجين ال جافا للغة ال C#  و بالتالى هيوفر عليك كمبرمج جافا نص المسافة لأن طريقة الكتابة تقريبا واحدة .

ال CLR  ال هوا Common language Runtime

دا بقا ال جندى المجهول و هوا عقل تانى شغال معاك و انتا بتكتب برنامجك بيعلى من اداء البرنامج عن طريق حاجات كتيرة زى مثلا ال Garbage collection  انتا مش محتاج تفضى كل ال variables  ال انتا بتستخدمها فى ال runtime  لان ال CLR  بيعمل كدا لوحدة ! طيب و يحصل اية لو فرضنا انى مفضتش ال Variables  ولا حاجة هتلاقى البرنامج بتاعك هنج او على الاقل تقل الجهاز لأنة بيسحب من الميمورى عالفاضى و كل ما مدة تشغيل البرنامج هتزيد البرنامج هيتقل فا بالتالى بيأمننا من حاجة اسمها Memory leak

تمام و اية كمان لأ فى حاجات كتيرة اوى تقدر تقراها من هنا عن ال CLR  و تعرف لية هوا مهم جدا

الدعم المستمر من ميكروسوفت

بسهولة جدا و خصوصا فى الوطن العربى هتلاقى شروحات و نقاشات و كورسات كاملة عن ال .NET  و دا هيوفر عليك كتير بالاضافة لأن ميكروسوفت دايما بتجدد فى لغة البرمجة نفسها و بتجدد فى ال .NET Framework  كلة خلينا نلقى نظرة على تاريخ الاصدارات

 

.Net Version Release history

Feature

Tool Release Date .Net Version

First release of .net

Visual Studio .Net

2002

1.0

Support for ASP.Net mobile controls
Supports side-by-side execution
Security Changes

Visual Studio 2003

2003

1.1

Generics (with generic collection)
Nullable Types
Support of IPv6 addresses in .net remoting
Common Language Runtime 2.0

Visual Studio 2005

2005

2.0

WCF (Communication framework)
WPF (Presentation framework)
WF (Workflow Foundation)

Visual Studio 2005

2006

3.0

LINQ
Addin / Plugin Model (System.AddIn.Contract.dll)

Visual Studio 2008

2008

3.5

Parallel Computing
Code Contracts
Lazy Initialization
Dynamic Language Runtime
In-process side-by-side hosting
Background garbage collection
Covariance and Contravariance
Common Language Runtime 4.0

Visual Studio 2010

2010

4.0

Enhanced regular expression support
Default culture for application domain
Zip compression
Support of array with size more than 2GB
Asynchronous file operation
Improvement in parallel computing

Visual Studio 2012

2012

4.5

Ability to collect diagnostics information
Ability to explicitly compact the large object heap (LOH) during garbage collection
Additional performance improvements such as ASP.NET app suspension
Multi-core JIT improvements

Visual Studio 2013

2013

4.5.1

.C# Version Release history

Feature

Tool Release Date .C# Version

First release of .net

Visual Studio .Net

2002

1.0

Partial classes
Support for generics
Iterators
Nullable syntax
Anonymous methods
Static class
Volatile keyword

Visual Studio 2005

2005

2.0

Implicitly Typed Local Variables
Extension Methods
Lambda Expressions
Type Inference
Object and Collection Initializers
Anonymous Types
Automatically Implemented Properties
Expression Trees

Visual Studio 2008

2008

3.0

Support for Covariance and Contravariance
Optional parameters and named arguments
Support for Dynamic and DLR
Enhanced support for COM interop

Visual Studio 2010

2010

4.0

Async / Await Feature
Support for caller information

Visual Studio 2012

2012

5.0

 

 

ادارة الاصدارات versioning

السى شارب + الفيجوال ستديو بيوفروا طرق سهلة جدا جدا لادارة الاصدارات من برنامجك بسهولة فائقة و سرعة + بيساعدك فى تشفير الكود على سبيل المثال فى حالة نشر موقع اونلاين مثلا + فى الاصدار الاخير 2013 و مع ظهور Windows Azure as a Microsoft Cloud Service  بقا ممكن تعمل Deploy  للموقع بتاعك و تنشرة على الكلاود بتكة واحدة .

ال Object oriented

ال oop  هي تعتبر فكر او نظام بيمشى بية الكود بتاعك و عن طريق النظام دا بسهولة جدا بتقدر توصل لاخطائك فى البرنامج بسهولة , بتقدر تطور الكود و تعدلة بسهولة , مش بتحتاج لانك تكرر الكود و بالتالى التعديل بيكوون فعال جدا لانك بتعدل فى سطر كود واحد بيعدل معاك فى كل صفحات برنامجك دا مش شرح خاص بال oop  و لكن فى مقال مكتوب بالعربى و شرحة سهل و جميل مبسط الجزئية دى جدا تقدر تشوفة من هنا و ال مخلينا بنقول ان ال oop  من احد مميزات ال C#  هو ان لغة السى شارب مبنية و مصممة بناءا على النظام دا .

دعم ال XML

السى شارب بتوفرلك طرق و classes  جواها خاصة بال XML  تخليك تعتمد على ال XML  فى اكتر من حاجة زى التوثيق بتاع البرنامج و عمل comments  بطريقة اكثر فاعلية او الاعتماد على ال XML  فى حفظ الداتا و دا بيديك سرعة مهولة فى برنامجك بالاضافة لأنك فى بعض الاحيان قد تعتبرة بديل للداتابيز فى حالة ان برنامجك كان نسبيا صغير .

مميزات اخرى

فى حاجات كتيرة فى السى شارب مش موجودة فى اللغات التانية او موجودة بس مش بنفس القوة ال فى ال سى شارب زى LINQ  + Lambda Expressions+ Extension methods + anonymous classes   + Entity Models  و حاجات تانية كتيرة تقدر تدور عليها على النت و هتلاقيها بسهولة .

بيئة عمل ميكروسوفت

ميكروسوفت شركة متميزة من حيث انها بتوفرلك بيئة عمل متكاملة بتساعدك على الانتاج و على سرعة الانتاج كمان و جودتة مش مجرد انتاج برنامج و خلاص , و استراتيجية ميكروسوفت دى واضحة من التسعينيات ببساطة ميكروسوفت قالتك كمبرمج احنا وفرنالك

لغة برمجة قوية + دعم عن طريق مواقع كتيرة اوى و منتديات  + نظام تشغيل متناسق جدا مع لغة البرمجة ال انتا بتشتغل بيها و مش بس كدا نظام التشغيل الاكثر استخداما على مستوى العالم بدون منازع و منقدرش ننكر انه نظام تشغيل قووى جدا و سهل جدا و الا مكنش حقق الانتشار دا + مع توجة العالم لل cloud و الاشارة لاهميتة ميكروسوفت قدمت Windows azure  ال تقدر تستخدمة كخدمة سحابية مميزة و الاهم من كونها مميزة انها متناسقة جدا مش شغلك و مع لغة البرمجة ال انتا كاتب بيها برنامجك , ميكروسوفت مش شركة هي بيئة منظمة بتوفرلك كل سبل الراحة و بتساعدك علشان تخرج برنامج قوى و سريع و متميز .

لية تشتغل بال C#  بقا من وجهة نظر سوق العمل

السى شارب لغة قوية زى ما ذكرنا فوق و سوقها فى العالم كبير و فى الوطن العربى كبير جداااا مقارنة باللغات التانية حيث ان ثقافة ال open source  اساسا مش متوفرة فى مصر ولا فى العالم العربى كلة لو جربنا ندخل على مواقع البنوك فى مصر على سبيل المثال او مواقع الشركات الكبيرة هتلاقيها asp.net  مواقع البنوك و الحكومات بنسبة 90% هتلاقيها .net

اكبر الشركات فى مصر شغالة .net   زى ITWorx  و e-finance  و شركات كتيرة + ان اغلب البرامج العملاقة معمولة بتقنيات ميكروسوفت و برامج ال ERP  و من اشهر المواقع ال معمولة asp.net

myspace.com

msn.com

music.yahoo.com

stackoverflow.com

Outlook.com

و مواقع تانية كتير جدا و حسب احصائية عملها موقع builtwith  كان دا الناتج

الشرح دا مكنش وافى لشرح كل مميزات السى شارب طبعا ولكنة ادى نظرة عامة كدا تقدر من خلالة تدور و تطلع على كل الحاجات الجديدة

متى تنهض امتنا تكنولوجيا !

 

بسم الله الرحمن الرحيم

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

 

قد تعتبرة سؤالا و قد تعتبرة استياءا لما وصلنا الية لسنا كمصريين بل كأمة عربية و ليس ايضا كأمة عربية بل كأمة مسلمة , كيف و متى وصلنا لهذة الدرجة من الضحالة و التخلف على كافة المتسويات و متى سنعود الأمة التى يفخر بها رسولنا محمد علية الصلاة و السلام

لعلنا نبدأ اولا بالاسباب التى جعلتنا أمة التخلف و فى اعين الغرب أمة الارهاب , ببساطة العرب يمثلون ما لا يزيد عن 20% من المسلمين على مستوى العالم و حوالى 62% من المسلمين من اسيا فلابد ان نفصل بين العرب و بين صورة الاسلام , ولكن ارتبطت الهوية الكونية للعرب بالاسلام حيث ان الاسلام وجد فى شبة الجزيرة العربية منذ قرون و لغة القرأن العربية , حتى لا نخرج عن سياق الموضوع لنعد لأسباب التخلف التى حدثت للعرب و ليس للمسلمين , اولا نظام التعليم العقيم انا احب الارقام لذلك سوف ادعم كل ما اقول بارقام و احصائيات , التعليم فى العالم العربي اثبت فشلة على مدار القرون الأخيرة حيث اننا انبهرنا بالتطور التكنولوجى و التربوى فى الخارج فأخذنا قشور المعالم ولم ننظر ولم نهتم بالأسس العلمية التى يعتمد عليها التعليم فى الدول الغربية , ادركنا انهم على حق و اننا على باطل و انهم هم الشعب الاكثر تقدما ولكن عندما نقلنا علمهم نقلناة من دون تفكير فكانت العواقب سيئة و هي ان نسبة الابداع عن الاطفال العرب فى سن 5 سنوات تصل الى 90% من نسبة الابداع الكلى فى الدول العربية و لعلك تلاحظ هذا عندما ترى ابنك الصغير وهوا فى سنواتة الاولى يتصرف بذكاء هذة طبيعة بشرية ولكن فى عالمنا العربى لا نقم بتنميتها بل ندفنها فى جبال من المعلومات التعيسة التى ولى زمنها ثم اختبارات لا تقيس اى بيان حقيقى عن كفأة الطالب ثم ننهيها بشهادة تخرج تستخدم لتزين الحائط و الحصول على لقب ما أستاذ او دكتور او مهندس , دعونا نكمل الصدمة الرقمية فى سن ال 7 تنخفض نسبة الابداع من 90% الى 10% لدى الاطفال و هذا بعد دخولهم الى العالم التعيس و هوا عالم الدراسة اما فى سن 8 سنوات تنخفض النسبة اكثر لتصبح 2% و تظل 2% حتى سن 45 سنة الا من رحم ربى , السبب الثانى و الأهم هو غياب التحفيذ على الابداع , لنأخذ مثال مؤلم على التحفيذ للابداع و هو اسرائيل الدولة الصهيونية التى لا يعترف بها العرب اجلالا لفخر زائف و التى انا شخصيا اعترف بكونها دولة و ان كانت دولة محتلة و لكنها دولة اثبتت وجودها فى وقت وجيز و نحن لا حول لنا ولا قوة و الدليل على ذلك فى عام 2007 سجلت اسرائيل 1683 براءة اختراع اما الدول العربية برمتها سجلت 147 براءة اختراع فى نفس العام , فى عام 2014 وصل عدد الشركات الناشئة فى مجال التقنية فى اسرائيل الى 4800 شركة بينما يشتكى العرب من البطالة و قلة العمل و ضعف الدعم فلا نلقى كل اللوم على الحكومة هناك تقصير من الحكومات العربية و تقصير من الشباب العربى ايضا و بسبب هذا التقصير نرى تفوق هائل من دولة لا يزيد عدد سكانها عن 8 مليون شخص و لا تزيد مساحتها عن 0.002 من مساحة القطر العربى , اضف الى ذلك الاهتمام بالبحث العلمى فاسرائيل الدولة رقم 1 فى البحث العلمى حيث ان 4.5 من الدخل القومى للبلاد يذهب للبحث العلمى و انشاء المعامل و الابحاث و خاصة التكنولوجية و نتيجة لهذا رأت شركات كثيرة غايتها فى وادى سليكون جديد ولكن هذة المرة يقع فى تل ابيب فتعتبر اسرائيل ثانى اكبر دولة من حيث تعداد شركات التقنية و اول دولة من حيث اعداد مهندسين و فنيين و تقنيين البرمجيات فهناك 140 شخص يعمل بهذا المجال من كل 10.000 شخص و هذة نسبة عملاقة مقارنة ب 83 شخص من كل 10.000 فى اليابان ولا داعى للبحث عن مقارنة هذا الرقم بالنسبة لاى دولة عربية او حتى بالنسبة للعالم العربى بأكملة .

 

فى الجزء الثانى من هذا المقال نذهب بأعيننا الى منطقة اخرى و قد نعتبرها رحلة تطور و قصة نجاح قد نأخذها قدوة ولكن قبل هذا لابد و ان نسلط الضوء على شىء هام و هو لماذا التقدم المنشود قد يكون تقدم تكنولوجيا , سؤال منطقى و راشد جدا و اجابتة تتلخص فى انه اولا التقنية و انتاج البرمجيات من اغلى الصناعات على مستوى العالم فاحيانا و الدليل على ذلك ابحث فى مجلة ال فوربس لتجد ان اغنى اغنياء العالم يعملون فى هذا المجال و اغلى الشركات فى العالم شركات التقنية و البرمجيات تعتبر البرمجيات من الصناعات منخفضة التكاليف حيث انك لا تحتاج سوى مكان و انترنت و كمبيوتر و قليل من الخبرة الممذوجة بالابداع فتحقق افكار قد تصبح بسببها ملياردير او اكثر من ذلك , ثانيا الانترنت اصبح شىء عادى فى كل البيوت و بانتشار الهواتف الذكية اصبح الانترنت شىء اساسى وليس عادى فقط تحتاجة للتسلية و للتعليم و للمحادثات و للبحث عن وظائف و الاخبار و كل ميادين الحياة تجدها على الانترنت مما يوفر لك حياة اسهل و لهذا فان اى مشروع تقنى قد يسهل من حياة الافراد بشكل او بأخر هو مشروع قيد مفهوم الابداع و من ثم قيد مفهوم المال و الانجاز , ثالثا التقنية و البرمجيات هى المنتج الوحيد القابل للتطوير فى كل ساعة و كل دقيقة تستطيع تغيير منتجك و تحويلة للأفضل ولا تحتاج الى مال كثير لفعل ذلك , لعلنا ننظر بعين الأمل ال تجربة الهند فى صناعة البرمجيات تصل صادرات الهند السنوية من البرمجيات الى 50 مليار دولار امريكى و هذا فى عام 2008 و الرقم فى تزايد كل عام و صادرات الهند الى جميع دول العالم بما فى ذلك امريكا و الصين , نجحت الهند فى هذا المجال لعدة اسباب اهمها توجيه الطاقة البشرية الهائلة فى الهند التوجية الصحيح حيث تعتبر الهند ثانى اكبر دولة من حيث التعداد السكانى بعد الصين فهى تتجاوز المليار نسمة ولكنها حولت مدينة بنجلور الى صرح تكنولوجى تعليمى مليىء بالمعاهد و الكليات و الجامعات التكنولوجية , ثانيا انخفاض مرتبات العمالة فى الهند حيث ان عملة الهند منخفضة مقارنة حتى بالجنية المصرى و لهذا فان اى شركة تضع فى المقام الأول المهندس الهندى حيث انه لن يكلفنا الكثير من المال , ثالثا النظام الحكومى فى الهند تساهم الحكومة فى تطوير الشركات و المؤسسات العاملة فى هذا المجال حيث انها رأت ثمارة و رأت كيفية تحقيق الاستفادة القصوى من هذا المجال , على الرغم من ان الهند تفتقر البحث العلمى ولكنها تساهم دوما فى انتاج برمجيات جديدة و جدير بالذكر ان اخر مدير تنفيذى لميكروسوفت و هوا “ستيا نادالا” هندى و هذا انتصار عظيم فى حد ذاتة للهند .

 

فى الجزء الثالث نتطرق لسبل و عوامل قد تساهد فى تقدمنا نحو التغيير فى هذا المجال :-

1 – تغيير نظام التعليم العقيم فى المدارس و الجامعات لتحقيق النهج الابداع

2- الابداع فى المناهج التعليمية و لعلنا نكررها الابداع ثم الابداع ثم الابداع الى ما لا نهاية لتحقيق جيل من المبدعين

3- اعداد جيل من الاداريين المهرة حيث انه ان وجيد جيل من المبدعين بدون قادة و ادارة ناجحة توجه ابداعاتهم فى المكان الصحيح فلن تنهض امتنا

4 – الرجوع الى مقولة الداعية الراشد “دعوة الاسلام يطورها اذكياء , اصحاب الابداع و الاستنباط , و الاستنتاج و النقد و التحليل , وليس اهل التقليد و النمطية و الاستسلام للموروث و القناعة باليسير ” و اضيف من عندى “و الخوف من التفكير” فعلينا تربية ابناءنا على منهج فكر فى كل شىء فكر فى الدين و فى الدنيا فكر فى الله و فى الحياة فكر فى التقدم و اقرأ فى التاريخ لتستفيد من الماضى و تتجنب اخطأة فى الحاضر .

5 – النظرة للتقنية بشكل اكثر حضارية فشبكة الانترنت تحمل الاروع و الاهم من فيسبوك و تويتر

6 – مساهمة الحكومة فى تسهيل عمليات انشاء الشركات و جذب مستثمرين جدد فى مجال التقنية

7 – توجية المستثمرين الى الاستثمار فى كليات و معاهد متخصصة اكثر فى مجال التقنية حتى و ان كانت كليات و معاهد خاصة و المساهمة فى دعم الافكار المادى كاستثمار وليس دعم من دون مقابل

8 – التشبع من الافكار الغربية ولكن بتطبيق صحيح وليس نقل و تقليد اعمى فالنظر لتجارب الغير مطلوب ولكن مطلوب ايضا ان تعيد صياغتة ليناسب موقفك

9 – التركيز على الجودة فى منتجاتنا التكنولوجية حتى ندخل فى الاطار العام لتصدير البرمجيات فلا تقتصر برمجياتنا على الشركات المصرية فقط

10- نوفير البحث العلمى اللازم للتطوير فى المجال و ربط المجال القتينى بالمجالات الاخرى مثل الطب و علوم البيئة و اكثر من ذلك بكثير

 

اعلم ان هذا التطلعات هى احلام مكتوبة ولكن يتوجب علينا كتابتها و على القارىء قرائتها فقد تساهم فى يوم ما بتحريك ولو فكرة بسيطة نحو الطريق الصحيح

 

الجانب المظلم من الخير المعلوماتى

بسم الله الرحمن الرحيم 

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

edward snowden

edward snowden

انا مش بشتغل فى مجال الامن المعلوماتى ولا ليا صلة مباشرة بية ولكن بقرأ فى المجال حب استطلاع يعنى مش اكتر , فا من ضمن المعلومات ال لقيتها طبعا منتشرة جدااااااا على الانترنت يعنى مش معلومات سرية ولا حاجة , حاجة اسمها  NSA ال هيا National security agency  او وكالة الأمن القومى دى مؤسسة امريكية تأسست عام 1952 فى ولاية ماريلاند فى امريكا و دى وكالة استخبارات يعنى حاجة زى ال FBI  و ال CIA  و الوكالات دى طبعا الوكالات دى بتكون ميزانيتها سرية بس خلينا نعرف المعلومات ال عامة عن الوكالة دى الوكالة دى هدفها جمع البيانات المرسلة عن طريق كافة وسائل الاتصالات المختلفة و مش بس جمعها لأ و تحليلها كمان باحدث الطرق التقنية ال احنا قطعا ممكن نكون منسمعش عن احدث الطرق دى , يعنى الوكالة دى قانونا فى امريكا بتتجسس على الاتصالات او بمعنى اوضح بتتجسس على المعلومات ال الاتصالات احد صورها , وكالة الاستخبارات دى من سنة 52 لسنة 2014 وصلت لمرحلة من التطور فى تقنيات تحليل البيانات تمكنها عالاقل من تحليل البيانات الصوتية و البيانات طبعا ال على شبكة الانترنت مش بس داخل امريكا لأ و كمان برة امريكا و الدليل على كلامى ان فى ديسمبر 2013 البرازيل لغت صفقة كانت مع شركة بوينج للطيارات بقيمة 4.5 مليار دولار بسبب تسريب من احد المهندسين ال كانو شغالين فى ال NSA  و التسريب دا كان كالتالى ” في يونيو 2013، كشف إدوارد سنودن المتعاقد السابق مع وكالة الأمن القومي سلسلة من البرامج التي تديرها الوكالة وتسمح بالتجسس على اتصالات الأمريكييين وغير الأمريكيين خارج الولايات المتحدة وداخلها ” يعنى موضوع ان ال NSA  بتتجسس على كل الدول و على كل البيانات دا امر مفروغ منة , نكاد نجزم ان اى معلومة على شبكة الانترنت بتمر الاول على ال NSA  لحفظها و تحليلها و بعدين الاستفادة منها خلينا نشوف التجسس دا ممكن يكون ازاى و هيستفادو اية لما يتجسسوا عليا .

وكالة الامن القومى NSA  تتجسس على Iphone  و Android  بموجب القانوون و بلاك بيرى و فى 2009 انجلترا منعت ال NSA انها تتجسس على اجهزة بلاك بيرة بس لك ان تتخيل انك كشخص معاك جهاز اندرويد انتا مكانك معروف بالنسبالهم بدقة متناهية تحركاتك , كل البيانات ال متسجلة على موبايلك من اول الاسماء لحد الارقام و الصور و الاغانى , التجسس على كل تحركاتك على شبكة الانترنت ابتداءا من محادثاتك لحد المواقع ال بتتصفحها .

لو عندك مدونة على جوجل او استخدمت الادمن بانزل بتاعة ال مواقع ال فى جوجل جوجل بيوفرلك التالى و مجانا , بيوفرلك معلومات عن كل زوار موقعك من حيث “النوع – الجنسية – ال ISP  يعنى هوا واخد انترنت من شركة اية بالبلدى – المتصفح ال فاتح منة – نظام التشغل بتاعة – الاى بى – اهتمامات الزوار دول يعنى ببساطة شديدة يقولك ان الزوار بتوعك بيهتموا بمجال كذا بنسبة قد كدا و مجال كذا بنسبة قد كدا” و معلومات تانية كتيرة جدا كل دا و مجانا اكررها مجانا بدون ما تدفع مليم و اية مع كل الاعتبارت بانك اساسا شخص بالنسبالهم يعنى تعتبر مستخدم عادى مش حد مميز علشان يديك معلومات واو فا لك ان تتخيل لما المعلومات دى ال هما بيفصحوا عنها امال البيانات ال هما محتفظين بيها شكلها عامل ازاى و لما بيحللوها بيطلعو منها معلومات عاملة ازاى

الفيسبوك التنين الاعظم , على سبيل المثال الفيسبوك بيدعم خاصية ال recommendation  بالمكان بمعنى ان جرانك مثلا هتلاقيهم عندك فى ال recommendation  و لو مثلا كنت فى ايفنت مع ناس هترجع البيت تلاقيهم عندك فى ال recommendation  , فى تقنية اسمها Jibbigo  دى عملاها شركة موبايل عالمية التقنية دى بتعمل اية دى بتلتقط الكلام المنطوق من بين 20 لغة مختلفة و بتحولها لكتابات نصية و القنية دى متوفرة طبعا فى الموبايل الاندرويد مثلا دلوقتى انك تقدر تفتح الموبايل و تقولة اى كلمة تلاقية لوحدة بيفتحلك جوجل و يعملك سييرش عليها تعالا نبص للجانب المظلم من القتنية دى  , التقنية دى موجودة من 2009 والفيس بوك اشترتها فى 2013 مع تطوير خاصية ال facebook calls  لك ان تتخيل كمية البيانات ال ممكن يحللولها عنك من كلامك مع شخص ,

احنا بقينا محاصرين بالتكنولوجيا الذكية ال بتحولنا احنا لفريسة غبية انتا دلوقتى لما بتعوز تكلم واحد صاحبك بتكلمو عالواتس اب او على ال فيس او عالفايبر علشان الحاجات دى free  انتا تفتكر امريكا مثلا ولا اسرائيل ولا اى دولة لية شركة تقعد تتعب سنين و تطلع ابليكشن بعدين تنزل الابليكشن ببلاش هتقولى اعلانات اوك بس مش دا السبب الوحيد لية فيسبوك بتشترى اى ابليكشن واسع الانتشار و جوجل كذلك اقولك الاعلانات دى و عدد المستخدمين دا خير مادى طبعا الشركات دى متكرههوش لكن فى خير معلوماتى بقا كمية المعلومات ال الناس دى ممكن تجمعها هتخليهم امبراطورية اقوى من الامبراطورية الرأسمالية و اقوى من اى حكومة و اى جيش لأنهم بيمتلكو المعلومات هتبقا امبريالية مش امبراطورية .

التجسس علينا دا بقا امر واقع منقدرش نهرب منة و منقدرش ننكر دور الموبايل كا smart phone  فى حياتنا و نقول مش هنستخدمة علشان بيتجسسوا علينا بية بس عالاقل نقدر نقلل كمية المعلومات المنتشرة عننا , متبصش لحالك دلوقتى ولا تبص لحالك كفرد , بص بمنظور اوسع من دا تخيل واحد عارف عنك كل حاجة عارف هواياتاك و اهتماماتك و بتحب اية و مبتحبش اية و بتعمل دا امتى و دا امتى و بتكلم مين و بتروح فين و قطعا غلطاتك اية و حسناتك اية حتى اسرارك ال انتا بتقولها لصاحبك فى المسدجات كل دا متسجل و فى اى وقت ممكن يستخدم ضدك تخيل لو واحد بقا مثلا رئيس دولة او واحد بقا حاجة فى مؤسسة نووية او اى مركز مرموق ممكن المعلومات دى تستغل ضدة ازاى , تخيل شعب مخترق من كل الاتجاهات ممكن تسيطر علية ازاى , الموضوع اشبة بفيلم الحاسة السابعة بيقرا الافكار فا بيتصرف على اساسها .

الناس دى مش محتاجة انها تبعتلنا جيش يحاربنا ولا محتاجة انها تبذل مجهود هوا ببساطة شديدة عارف انتا تفكيرك متجة لأية و رايح فين يوم ما يلاقيك بتميل للعنف هتلاقية بعتلك سلاح من غير ما انتا تقولو ابعتلى بس هوا عارف انة لما يبعتلك انتا هتستخدم السلاح و تدمر نفسك , حرب المعلومات هيا ال تكسب و المعلومات اغلى صناعة فى العالم مع انها شىء مش ملموس , صناعة التقنية كويسة و بتسهلنا حياتنا بس مع ذلك بتنقل صورة مفصلة عنك و عن مجتمعك و عن تفكيرك لحد عدو ليك او جايز فى يوم من الايام يكون عدو ليك و يوم ما تبقى تحت ايدة مش هيرحمك .

الحل اننا نقلل من المعلومات ال بنوفرهالهم لأن المعلومات دى ممكن تكون مش مهمة ليك يعنى انتا شايف انك لما تتصور صورة مع صحابك و تحطها عالفيس عادى يعنى مضرتش حد اوك بس انتا اديت مؤسسة بتعمل بكل طاقتها معلومات ملهاش اى حق فيها و الله اعلم المعلومات دى ممكن تستخدم ضدك ازاى ياريت نستخدم كل حاجة فى اطارها شبكة التواصل الاجتماعى فى سياقها اوك لكن مفيش ضرورة لأن عمال مع بطال نحط بوستات و معلومات و بيانات ملهاش اى لزمة عننا

مصر دولة العجائز

اللهم علمنا ما ينفعنا وانفعنا بما علمتنا و زدنا علما انك انت العليم الحكيم

مصرنا العزيزة “دولة العجائز” خلينا نعرف اكتر عن مصر دولة العجائز نظام الترقيات فيها عامل ازاى و نظام الشغل و مين المتحكم الفعلى فى مصير الشباب .

فى مصر بيكون نظام التوظيف انك بتدخل موظف فى الحكومة فى الدرجة السادسة دا معناه انك مستجد لسا اول توظيف تمام بتقعد مدة معينة ال هيا 5 سنين بعدين تبقا درجة خامسة و تقعد مدة تانية و تبقا درجة رابعة وهكذا يعنى مجموع السنوات ال بتقعدها علشان تبقا درجة اولى اجمالا 30 سنة و تكون موظف درجة اولى بغض النظر عن وظيفتك الفعلية يعنى بغض النظر عن انك ممكن تروح كل يوم تقعد فى مكتب و تنزل الساعة 12 تشترى فول و فلافل و تطلع تاكل و بعدين تحل الكلمات المتفاطعة و بعدين تشرب شاى و تزوغ بدرى و متكونش مسكت قلم خلال ال 8 ساعات شغل باهمال كل العوامل دى انتى بعد 30 سنة هتبقا موظف درجة اولى بعدها بتترقى لدرجة كبير و مدير عام و حاجات كدا شروط الترقية فى مصر ملهاش اى علاقة بالخبرة بمعنى انك مش لازم تكون فعليا بتشتغل علشان تترقى انتا زى ما قولنا لو بقالك ال 30 سنة قاعد عالمكتب برنس مبتعملش حاجة هتترقى بردو و لما بتترقى بتبقى فى شريحة وظيفية جديدة دا معناه ان مرتبك بيزيد و مش بس بيزيد لأ دا انتا كماان بتاخد حوافز اكتر لأنها بتتحسب على مرتبك الاساسى ال بيزيد فا ال اجمالى بتاعك ممكن يعدى ال 3000 جنية و انتا اية “ولا حاجة” و مش بس بتبقا واخد المكانة دى بدون وجه حق و بتاخد من فلوس الدولة مرتبك دا بدون وجه حق مش بس كدا لأ دا انتا بحكم الاقدمية انك قديم فى الشغل ممكن تبقا المدير فلك ان تتخيل واحد مش فاهم حاجة فى الشغل بس علشان عندة 55 سنة و بقالة شغال منهم 30 سنة فا بقيت مدير المدير نفسة بقا مش فاهم حاجة منتظر انه يدير المؤسسة ازاى بتراكم التفكير المتخلف دا فى مصر بقا الوضع دا قائم فى 90% من المؤسسات الحكومية و علشان مكنش ظالم 80% من المديرين زى ما بقول كدا ناس ميييح او حتى لو مش مييح فا طريقة تفكيرهم عقيمة انا هقولك مثال شفتة بعينى كنت مع والدى فى الشغل لقيت ترابيزة كبيرة اوى قاعد عليها حوالى 12 موظف كل واحد منهم حد ادنى يعنى مرتبة 2000 جنية بعد الحوافز و البدلات و الكلام دا كلة تمام الموظفين دول قاعدين يعملوا اية بقا ؟؟ قاعدين على كراسى جنب بعض و فى كشف بيعدى عليهم سلسلة كدا دا يخلص يدى ال جنبة دا يخلص يدى ال جنبة وهكذا بس مكانتش دى الكارثة الكارثة لما عرفت الناس دى بتعمل اية فى الكشف طلعوا بيعلموا علامات صح قدام اسامى ناس انتا متخيل قولت لوالدى طيب ما الكلام دا كلة يتعمل بشييت اكسيل مش هقولك برنامج و بتاع لأ شييت اكسيل و الناس دى كلها تقعد فى بيوتها و البلد تستفيد بفلوسها قالى و الناس دى تاكل منين فا علشان اكون امين هوا معاه حق الناس دى هتاكل منين لو قعدوا فى البيت بس هوا مش عدل ان الناس دى تتحسب علينا ناس بتشتغل و تقبض المبالغ دى و الصبح يعملوا زحمة فى الشارع علشان رايحين الشغل و كل دا و فى المقابل ميعملوش حاجة دا مش عدل و يبقا الشباب ال خريج تجارة و هندسة و علوم و كل الكليات دى قاعد فى البيت مش لاقى شغل و كمان نلوم على الشباب نقولوا انزل دور على شغل ينزل يدور فين . مفارقة بسيطة بين نظام ..

فى اليابان الترقيات بردو بالاقدمية بس سؤال وجية لية اليابان فى سابع سما و احنا تحت عاشر ارض ؟؟ اليابان عندها النظام متماثل فى الدرجة التعليمية و فى السلوك و فى الكفأة الوظيفية بمعنى ان دا بيترقى علشان بقالة مدة معينة بيشتغل فا مش بس بقا مؤهل علميا لأ دا كمان بقا معاه خبرة لكن عندنا لا مهم الخبرة ولا مهم الدرجة العلمية ولا مهم اى حاجة المهم بقالك مدة اد ايييية

انا اعرف واحد عندة حوالى 38 سنة راجل مجتهد جدا و معاه دكتوراة فى المحاسبة الضريبية ال اعتقد انها مش سهلة يعنى تخيلوا كدا مرتب الراجل دا كام 1200 جنية لانة متعيين فى الحكومة متأخر فا طبعا ماشى فى السلم المتخلف بتاع الترقيات فا وصل لكدا مش مهم درجة تعليمة ايية ولا انه يعرف احسن من المدير فى الشغل دا ولا الكلام دا كلة .

فا متستغربش لما تلاقى البلد بايظة علشان ال مساكينها بيفكروا بعقليات سنة 60 و دول ال هاجموا الثورة ايام 25 يناير و هما ال صوتوا للدستور بتاع السيسى لية علشان الناس دى عايشة فى عااااااالم قديم متعود على السمع و الطاعة و الروتيين الناس دى متعرفش المواجهة ولا التطور ولا التقدم و هوا مش عيبهم على فكرة بس عيبهم انهم عندهم طمع و رغبات الدولة مساعداهم عليها اتفرج على الوزراء فى اى تشكيل وزارى من ايام السادات تلاقى الوزير مش اقل من 60 سنة و ال وزير ال اقل من 60 سنة بيبقا واحد ولا اتنين فى الوزارة و جايين كداااا علشان يتكتب السيد الرئيس يهتم بكوادر الشباب و غالبا بيكون مش كفء يعنى بس هوا كدا لزوم الشوو الاعلامى , لما تجيب وزير اتصالات عندة 60 سنة منتظر ان التكنولوجيا تكون بتمثلة اية اصلا .

Backup Facebook Messages

do you have an Important Message at your facebook account , you wanna to archive it but no way to doing that else archive all facebook data by facebook archiving and that`s gives you non clearful messages , i have the solve simply

1 – open facebook account

2-https://apps.facebook.com/backup-messages/

3- give the application a required permissions

4-start backing

هل لديك رسائل هامة على الفيسبوك تريد الاحتفاظ بها على جهازك لانها تمثل لك قيمة ما ؟؟ و خاصية الارشفة التى يوفرها الفيسبوك لا توفر لك رسالة خالصة تمكنك من الاحتفاظ بها او استخدامها فيما بعد فلك الحل

1- الدخول لحسابك على الفيسبوك بطريقة تقليدية

2-https://apps.facebook.com/backup-messages/

3-سيطلب منك التطبيق بعض الصلاحيات اضغط موافق

4- سيبدأ فى الارشفة ثم التحميل

awesome Online Session

logo-icon

for a long time i searched for making an Online Session but with free Handing , any way to Use a White board in this Session Now I got it with Very Simple Steps

1 – Download This Application to Your Android Device SyncSpace

2- Download TeamViewer 

3- Start SyncSpace in your Android and Get SyncLink and Open It in your Web Browser Simply that you will Get Some thing Like That

on web Browser >>

2 and This From My Android >> Screenshot_2013-10-07-23-36-05 4- Open Team Viewer and Start Instant Meeting , Give Your Participants the Meeting ID Like That m11-555-666 , Start Talking , Use your pen with Android Make an Awesome Session

or use this Application to Make A great Tutorials for Youtube .

 

Enjoy

 

 

 

Crystal Report Error , Not Found Images Toolbar

1

2

This Error Makes reporting are disabled , No Images and all toolbar option not found , do this steps simply

Step1:

goto C:\Windows\Microsoft.NET\Framework\v2.0.50727\ASP.NETClientFiles

Step2:

then copy (ctrl+c) eitire things of  “CrystalReportWebFormViewer4”   foler,

Step3:

goto C:\Windows\Microsoft.NET\Framework\v4.0.30319\ASP.NETClientFiles

Step4:

Now you can run your web project, try export or print your crystal report.

Done

3

ريادة الاعمال

بسم الله الرحمن الرحيم

اللهم علمنا ما ينفعنا و انفعنا بما عملتنا و زدنا علما انك انت العليم الحكيم

ريادة الاعمال

 

انتشر فى مصر و افريقيا عموما فى الاونة الاخيرة مصطلع ريادة الاعمال و اصبحنا نغدو منطقة جديدة تحمل تخصص جديد لشخص ذو اهلية مميزة و هوا رائد الاعمال فى هذا المقال سنتعرف بايجاز عن ماهية ريادة الاعمال و من هو رائد الاعمال و اشهر رواد الاعمال فى مصر و العالم و هل انا اصلح لكونى رائد اعمال ام انها عملية تحتاج مهارات خاصة .

ريادة الاعمال .. تعريف علمى ويكيبيديا ..  هي عملية إنشاء منظمة/منظمات جديدة أو تطوير منظمات قائمة، وهي بالتحديد إنشاء عمل/أعمال جديدة أو الأستجابة لفرص جديدة عامةً. ويمكننا أن نصف ريادي الأعمال انه شخص يري المشكلة فرصة لتقديم حل للمستخدمين .

من هوا رائد الاعمال .. رائد الاعمال هو شخصية مميزة بين الاخرين لدية الكثير و الكثير من المميزات التى تجعلة قائد ناجح يتميز بكل مقومات القيادة . يرى فى المخاطرة فرصة , يبعد عن التفكير التقليدى حبا فى الابتكار , كثير المعارضة من الاخرين لافكارة الغير تقليدية و الغير متبعة لدى العامة يرى فى كل مشكلة فرصة و فى كل فرصة بناء لمشروع جديد بكل جوانبة ولا تخلو فكرتة من الاقتباس او ربما النقل المطور , فريادة الاعمال ليست مهنة تمتهن من دراسة ولا تناسب الجميع بل قدرة ابداعية و ابتكارية على نهج الفنون و الغناء تمتاز بالطابع الابداعى لا يستطيع اى شخص الغناء ولا يستطيع اى شخص الرسم كذلك ريادة الاعمال تحتاج مقومات فى الشخصية حتى تحققها فهى لا تشترط سن معينة حيث اثبتت الدراساات الى ان نسبة 30 – 45 % من رواد الاعمال من سن 18 – 22 سنة اى انهم غير متممين للمرحلة الجامعية و نسبة من 30 – 45 % من رواد الاعمال من سن 25 – 45 حاصلين على شهادات مختلفة ولكن كلهم تربطهم وجهات مميزة مثل حب الابتكار و اقتلاع الحل و تحويرة لمشروع  ذو قيمة سواءا كان هادف للربح او غير هادف للربح .

اشهر رواد الاعمال فى مصر .. هذا الترتيب فقط من وجهة نظرى المتواضعة ..

1 – الدكتور شريف عبد العظيم .. مؤسس رسالة “مثال على ريادة الاعمال الغير ربحية”

اعتقد ان دكتور شريف عبد العظيم من اهم الناس الناجحة فى المجال دا حيث انة حقق مشروع من انجح المشاريع الخيرية ال حصلت فى مصر ف رأيى الجمعية دى حاليا فى كل المحافظات , بتوفر وظايف لناس جواها , بتجيب وظايف لناس براها , بتساعدك فى عمل الخير بشكل لا مثيل لة .

2- زياد على .. مؤسس شركة الزواد “مثال على ريادة الاعمال الربحية”

 شخص متواضع يمتاز بالنشاط وكيفية ادارة مشاريعه باحترافية كافح كثيراً ليصل الى تحقيق احلامه وبدأ من الصفر كأى مصرى ومنذ البداية واجه الاف المشاكل فى تحقيق احلامه الا انه لم يلتفت الى تلك المشاكل واستمر على طريقه الصحيح ليصبح , من أفضل ريادى الاعمال الناجحين فى مصر بل والشرق الأوسط , سيكون معنا زياد على قريبا فى صعيدى جيكس كمتحدث ” انتظرونا ” وفى النهاية ندرج لكم سيرته الذايتة باختصار شديد حتى لا نطيل عليكم …..

المؤسس والرئيس التنفيذي لشركة “ALZWAD” المتخصصة في مجال خدمات اﻹتصالات والهاتف المحمول. هو ريادي أعمال تسلسلي (Serial Entrepreneur) ﻷكثر من 20 عام, خبرة في تطوير اﻷعمال والإدارة العليا في مجالات تكنولوجيا المعلومات ،

خلال هذه السنوات العشرين أسس وشارك في النادي التنفيذي – سلسلة بيع ملابس – مقهى L’escapade Café في مركز التجارة العالمي بالقاهرة ومركز ProTech.

حاصل على توكيل شركة Nokia وعضو بشركة راية القابضة RAYA وشريك تجاري لشركة IBM ومدير عمليات التحويل لشركة ِAramex Egypt.

وأخيرا عضو بفريق المديرين التنفيذين لشركة” Vodafone Egypt “حيث شارك بنشاط في وضع وتنفيذ السياسات والاستراتيجيات التي تؤدي

فودافون مصرلتصبح واحدة من الشركات النموذجية في مصر والشرق الأوسط منقول من صعيدى جييكس.

3- ستيف جوبز .. مؤسس شركة ابل

المؤسس والمدير التنفيذي السابق ثم رئيس مجلس إدارة شركة أبل وهو أيضًا الرئيس التنفيذي لشركة بيكسار ثم عضوًا في مجلس إدارة شركة والت ديزني بعد ذلك وحتى وفاته؛ وأثناء إدارته للشركة استطاع أن يخرج للنور كلاً من جهاز الماكنتوش (ماك) بأنواعه وثلاثة من الأجهزة المحمولة وهم (آيبود) و(آيفون) و(آي باد).

4-مارك زاكربيرج

 (مواليد 14 مايو 1984) رجل أعمال ومبرمج أميركي. أشتهر بأنشاءه موقع الفيسبوك الاجتماعي، وهو موقع شعبي في جميع أنحاء العالم، أنشأ الموقع مع زملائه في قسم علوم الحاسبموسكوفيتش دستين وكريس هيوز وهو في جامعة هارفارد. وهو بمثابة الرئيس التنفيذي لموقع الفيسبوك.

امثلة للبحث

5- بيل جيتس

6- محمد العيوطى

امثلة لمواقع و شركات نجحت بالفعل

موقع فيسبوك

تويتر

موقع اسك

موقع ناقشنى

برنامج و موقع بيقولك

شركة قبيلة

موقع شهية

موقع اجزخانة

و هناك المئات بل الالاف من الافكار و المواقع الناشئة الناجحة ,

هذة بعض المواقع العربية و المصرية التى تقدم محتوى رائع و متميز فى مجال ريادة الاعمال

http://ar.wamda.com/

http://raedaamal.com

http://egypreneur.com.eg/

يتبع