هوية مصرية ! عجيبة !

بسم الله الرحمن الرحيم

اللهم علمنا ما ينفعنا و ينفعنا بما علمتنا و زدنا علما انك انت العليم الحكيم

الموضوع ببساطة شديدة هوا فخرى بهويتى المصرية !

مبدأيا دا موضوع من وجهة نظرى الشخصية البحتة يعنى مش مهم تكون مقتنع بية بنسبة كبيرة بس هوا مجرد توضيح لرأيى فى حاجة بشوفها الا و هى انى ملاحظ ان ال فخور بمصريتة دا بيبقا فخور بمجموعة حاجات غلط او حاجات هوا معملهاش و لما تيجى تشوف هوا عمل اية تلاقية ولا حاجة طيب فين الفخر ؟؟ امثلة على الموضوع دا

الشعب المصرى متدين بطبعة .. و دا طبعا كلنا بنشوفة فى التحرش ال بيحصل فى المظاهراااات و فى الاعياد ال هيا فى مصر تعتبر احتفالات دينية طبعا بنشوف الشعب المتدين بطبعة بنشوف الخناقات و الشتايم اول يوم رمضان كل الكلام دا بيؤكد الجملة المشهورة دى

الشعب المصرى حضارة 7000 سنة … اوك كل احترامى للفراعنة بحبهم و بحب اقرا عنهم و بحترم عقيلة الناس دى بس الناس دى كااااااااااااااااانت موجودة من 7000 سنة يعنى هما دلوقتى مش موجودين يعنى انا و انتا و اى حد مصرى مبناش الهرم ال بنوة الفراعنة كون ان هما كانوا فى مصر دى حاجة حلوة بس مش فخر لينا يعنى هيا وجهات نظر انا شايف انى علشان افتخر بحاجة لازم اكون انا عملتها الفخر ال هوا زى الفخر بالهوية يعنى متقوليش فخرك باخوك ولا كدا دى حاجة و دى حاجة .

كنت مرة بتفرج على دكتورة اسمها منال عمر بحترمها جدا و بقدر رأيها كان ليها حلقة مع محمود سعد هيا كانت بتتكلم عن فكرة العصبية و الانتماء لجماعة معينة بيكون ناشىء من اية الفكرة انة انتا معندكش ال تفتخر بية فا بتدور على مجموعة ناس عملت حاجة حلوة و تدور على صلة بيهم و علشان تاخد جزء من فخرهم دا نفس الموضوع فى مصر احنا معملناش الاهرامات ولا ابو الهول ولا عملنا التحنيط بس احنا اتولدنا لقينا نفسنا مصريين بحكم موقع جغرافى اتولدنا فية مش اكتر و مرت السنين و محدش عمل حاجة فى حياتة فا بقا بيفتخر بكونة مصرى او بكونة حفيد الفراعنة .

مصر هتكون مصدر فخر ليا لما تبقا مصر عملت حاجة انا ساهمت فيها طول ما الحاجة دى محصلتش يبقا الاولى بالنسبالى انى اعمل انا شخصية لنفسى ناجحة افتخر بيها لعل و عسى مصر هيا ال تفتخر بيا فى يوم من الايام حبى للبلد دى مش معناة ابدا انى مقتنع بكل الافكار ال فيها انا بحب مصر كا ارض و اهل بالنسبالى مش هخونها فى يوم من الايام علشان انا من جواييا مش هعمل كدا مش علشان مصر حلوة بس علشان انا مقدرش اعمل كدا لانى كدا هبقا خونت اهلى و نفسى .

باختصار بدل ما تفتخر انك حفيد الفراعنة افتخر انك عملت حاجة بنفسك تفتخر بيها بجد , النهاردة عملت حاجة لنفسك بكرة تعمل حاجة لبلدك و ساعتها تبقا مصر مصدر للفخر بجد مش كلام ملوش معنة بنرددة و خلاص .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s