انت انسان

بسم الله الرحمن الرحيم

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

انت انسان

الموضوع دا مش للكلام عن السياسة ولا الكلام عن ال بيحصل فى مصر الموضوع باختصار عن ماهية الانسانية فى البلد دى وصلنا لمرحلة اننا بقينا بنحلل دم شخص و نحرم موت شخص تانى و بقينا بنزعل على شخص فى مقابل شخص و نقول دا ظابط جيش او شرطة و بيتعب علشانا و بيحمينا مع ان هوا بيحميك اه بس حمايتة ليك دى شغلة هوا مش بيحميك خوفا عليك علشان انتا صاحبة و جارة و حبيبة هوا بيحميك علشان هوا شغلة كدا , انتا لو جبت شخص من شركة حماية ال هوا “سيكيورتى” هيكون ملازم ليك و هيحميك اكتر من الظابط و علشان محدش يقول انى بقلل من مجهوداتهم لأ طبعا انا مش بقلل من مجهودات حد بس عاوز اوضح ان هما ناس زي اى ناس و وظيفة زى اى وظيفة يمكن فيها مخاطر زيادة بس دا طبيعى لحام الاكسجين ال بيبقا فوق الابراج اميال فوق الارض و ال بيبقا تحت الماية الاتنين معرضيين للموت فى كل لحظة و على اقل غلطة اكتر من الظابط ولكن الموضوع كالاتى …

الشرطة موجودة من عهد الخليفة عمر  و كان الشرطة دول بعض الجنود بيحافظوا على الامن فى البلد او المدينة او المقاطعة ال هما مسئولين عنها دى مسئوليتهم و شغلهم ال بياخدوا اجر مقابلة و استمر الموضوع دا الاف السنين و نيجى لمصر فى لحد ثورة 52 لما الثورة قامت و ال قام بيها الضباط الاحرار من هنا تغيرت نظرة المصريين للشرطة ف اصبحت الشرطة و الجيش او ما يسمى ب ظابط = السلطة و ساعتها مكنش فى فساد ادارى ف الموضوع كان الى حد ما مش مضر للمواطن العادى لكن كان فى فساد فى نواحى تانية كتير مش هنتطرق لها دلوقتى و اهمها الفساد الطائفى و اضطهاد عبد الناصر للاخوان المسلمين تحديدا و حملات الاعتقالات و ما الى ذلك ولكن نعود لموضوعنا ان الشرطة او الجيش او الظباط عموما من اليوم دا و هما بقا ليهم مكانة مرموقة فى البلد و بقوا اكتر من مجرد وظيفة … و نمشى بالزمن الى عصر مبارك و دا نقطة تحول كبيرة اوى فى عصر مبارك مصر بقد دولة بوليسية فا بقا المحافظين شرطة او جيش و بقا اغلب القيادات شرطية او من الجيش بالاضافة الى تحكمهم و تدخلهم فى اى شأن بدون اى صفة و فساد الناس دى فى الوقت دا بلغ اقصاة فا كان امين الشرطة و المخبر بياخدوا من الناس اتاوات و مبالغ فى مقابل انهم يتغاضوا عن المخالفات ال الناس بتعملها او علشان لو مدفعتش هحبسك يومين تلاتة شهر على زمة التحقيق او هقرفك انتا او حد من ولادك او او او و مكنتش تقدر تقول حاجة بتنفذ غصبعنك كان ال ليه حد فى الشرطة بيطلع الرخصة و هوا قاعد فى البيت و يتسحب منة الرخصة و يجيبها و هوا فى البيت . الفساد موجود فى كل مكان و فى كل المؤسسات ولكن لما تكون المؤسسة ال بتحميك فيها فساد تبقا كارثة .

خلاصة الموضوع ان الظابط سواء جيش ولا شرطة مواطن مصرى يعمل فى البلد دى ليس اكثر ولا اقل = المهندس = الطبيب = المدرس = المحاسب , كل المهن متساوية فى القدر يعنى الظابط دا دمة مش اغلى من اى واحد فى البلد دى لمجرد انة ظابط كلهم مصريين فا انتا انسان ال مكتوبة فوق دى يعنى انتا بتزعل على الدم ال بيراق سواء دم ظابط دم اى حد القتل و الظلم و القهر لاى حد جريمة انسانية قبل ما تكون جريمة قانونية لو تغضينا عنها علشان مرتكبها ظابط او وظيفتة معينة ايا كانت .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s