عيب فى برمجياتنا العربية

 

 

 

بسم الله الرحمن الرحيم

اللهم علمنا ما ينفعنا و انفعنا بما علمتنا و زدنا علما انك انت العليم الحكيم

عيب فى برمجياتنا العربية 

الهدف من المقالة دى مش انى اوجة الضوء ناحية العيوب فى الوطن العربى بس لأ انا بوجة الضوء اه بس لهدف تانى اكبر اننا نصحح الاخطاء دى مش قصدى طبعا تشوية صورة مبرمجين و مهندسين عرب يعنى .

الفكرة ببساطة ال انا شايفها عيب قاتل فى برمجياتنا العربية انها غير ابداعية و بتفصيل اكتر كل الشركات او الاشخاص ال بيشتغلوا فى مجال البرمجيات فى مصر بيعملوا نفس الحاجة و بتفاوت فى الجودة اه بس فى النهاية نفس الحاجة يعنى مثلا برامج المخازن و المشتريات هتلاقى كل الشركات فى مصر او 95% منها عندها القدرة انها تعمل برنامج مخازن و برنامج مشتريات فا اصلا لما انتا كشركة او كشخص تعمل زيهم بردة برنامج مخازن و مشتريات يبقا مفيش حاجة جديدة الموضوع كلة يتلخص فى كلمتين بس .

فكرة جديدة

الفكرة الجديدة هيا ال هتخليك شركة متميزة او مبرمج متميز مش انك تعمل برنامج اصلا فى غيرك عملة قبل كدا طيب اية ال هيخلى حد يجيلك و ميرحش لغيرك يعنى مهما كانت مميزات برنامجك مثلا فى مجال المخازن ما انا ممكن اشترى برنامج ميكروسوفت او اى برنامج عالمى و هيكون بدون شك افضل مش علشان هما احسن مننا لأ علشان هتلاقى فى برنامجهم حاجة مجتش على بالنا خالص نعملها …

– تعالوا كدا نلقى نظرة على شركات البرمجة الكبيرة و المتوسطة و نشوف الفرق عندك شركة زي اوتوديسك لية اوتوديسك شركة كبيرة و ناجحة و تكاد تكون ملهاش منافسين انا قولت تكاد تكود مش ملهاش المهم يعنى اقولكوا انا لية علشان اوتوديسك عملت حاجة محدش عملها قبل كدا و عملت برامج بتخدم شريحة كبيييييرة اوى من الناس و كمان خلقت جو المنافسة جوا الشركة بقت الشركة نفسها بتعمل برامج تنافس بيها برامجها يعنى انا عندى برنامج تعديل صور لأ راحت منزلة برنامج تانى و دا فى تطور و دا فى تطور علشان كدا الشركة دى اربحها بتعدى ال 10 مليار و حقها

– شركة ميكروسوفت شركة عادية و فيها ناس عاديين مش بينوروا يعنى عادى ناس زينا بس الفرق ان الشركة دى عملت حاجة فريدة من نوعها ال هيا بلغة الفرنجة

UNIQUE

– شركة فيسبوك و جوجل و غيرهم كتير الشركات دى فى الاصل كانت اية فكرة جديدة و كان فى ناس بتقول عليها غبية و فكرة هبلة و قديمة بس اصحاب الفكرة كانوا عارفين انها فكرة صح و نفذوها و دلوقتى الناتج اية بقت شركات بمليارات و شغال فيها الاف الناس و بتفيد ملايين الناس .

بلاش شركات البرمجة خالص علشان هنقول هما احسن و احنا محبطين و مش عارف اية بلاش شركات البرمجة حتى شركات الالكترونيا هما مش اذكى مننا والله بس الفكرة كلها فى الابداع الفكرة الجديدة احنا معندناش الموضوع دا انا عارف انها مشكلة مجتمعية و ان العيب اولا فى المجتمع و ثانيا فينا لأن احنا معندناش حاجة اسمها فكر عندنا احفظ او قلد او اى حاجة ماعدا فكر فى اليابان على طريق المطار موجود لوحات مكتوب عليها “فكر لتبدع” نفس اللافتات دى ال فى مطار القاهرة و اسكندرية عندنا مكتوب عليها “قطونيل” فا لو حطيت اللوحتين جنب بعض هتعرف الفرق بينا و بينهم .

عمر ما حد هينجح و هوا بيكرر ال اتعمل قبل كدا مهما وصل بالاختلاف فى الحاجة دى ماشى هيعمل حاجة مختلفة و متميزة ولكن مش ناجحة النجاح فى الجزء دا مش النجاح العام فى الجزء دا تحديد يتوقف على انك تعمل حاجة ملكش فيها منافس الناس تدخل عالموقع بتاعك دا علشان مفيش موقع تانى بيقدم نفس الخدمة بنفس الجودة و بكدا مش هيكون ليك منافس .

انا كمان معنديش فكرة جديدة بالطريقة ال بتكلم عليها دى فكرة زى الفيسبوك او جوجل او كدا بس مش مهم لسبب انى مش ببطل تفكير فى الموضوع دا دايما بفكر فى الجزء دا حاجة محصلتش قبل كدا لو مجتش دلوقتى مسيرها هتيجى طول ما بنفكر .

thinking-outside-the-box

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s