حرام و حلال فى مصر

اعتقد العنوان موضح كل حاجة و فهمتوا عاوز اقول اية ! الحرام و الحلال فى مصر و دى وجهة نظرى .

فى المجمتع المصرى اعتدنا خلق الكلمة دا من دماغنا حلال و حرام بس مش دى المشكلة ممكن نعتبر اننا بنقول على العادات الغلط حرام حتى لو منعرفش اصولها فى الدين حرام و حلال بس بنقول حرام على اساس اننا شعب بيتأثر بالكلمة دى فا نحد من انتشار العادة الغلط دا من كام سنة انا كنت بقنع نفسى ان لما الناس تقول حرام و حلال فا هما بيقولوا للاسباب دى فا مكنش عندى مشكلة يعنى مع ال يقول حرام و حلال بس الكارثة لما لقيت ان حرام و حلال بقت بتتقال على حسب الحالة يعنى لو انتا محتاج تدفع رشوة تبقا حلال لو مش محطوط فى موقف لازم تدفع فية رشوة تبقا حرام مع ان الرشوة فى كل الحالات المفروض انها حرام الحب لو اهلك عارفيييين يبقا حلال لو مش عارفين يبقا حرام الشتيمة لو مش بالاب و الام تبقا حلال لو دخلت فى الفاظ وحشة تبقا حرام و دلوقتى بقت كل الشتايم حلال طالمااااا مفيهاش سب للاديان ف كل الكلام ال قولتة دا و دول امثلة قليلة جدا من ال بيحصل فى الحقيقة بالنسبة لموضوع الحلال و الحرام دا فى مصر الخطوبة حلال فى السعودية الخطوبة بتاعتنا ال بنخطبها فى مصر دى حرام عموما يعنى الامثلة كتير بس خلينا نفكر شوية اساسا يعنى اية حلال و حرام .

حسب مقال قريتة للشيح محمد المنجد بيقول كالتالى الحلال هو الفعل الذى لا اثم فى فعلة ولا اثم فى تركة الا اذا قصد بة طاعة الله يكون فى ذلك ثواب لفاعلة اما الحرام فهو ما يعاقب فاعله ويثاب تاركه دا تعريف الحلال و الحرام  .. طيب مين من حقة يحلل او يحرم او يفتى فى الموضوع دا ! التحليل والتحريم من حقّ الله تعالى ” فإن أقواما استحلوا بعض ما حرمه الله ، وأقواماً حرموا بعض ما احل الله تعالى ، وكذلك أقواماً أحدثوا عبادات لم يشرعها الله بل نهى عنها و” أصل الدين ” أن الحلال ما أحله الله ورسوله ، والحرام ما حرمه الله ورسوله ، والدين ما شرعه الله ورسوله ، ليس لأحد أن يخرج عن الصراط المستقيم الذي بعث الله به رسوله ، قال الله تعالى : ( وأن هذا صراطي مستقيماً فاتبعوه ، ولا تتبعوا السبل فتفرق بكم عن سبيله ، ذلكم وصاكم به لعلكم تتقون ..(موقع الاسلام)  )

و الشخص الذى يحق له انه يفتى حد لية شروط خاصة زى مثلا : (منقول ويكيبيديا لتعريف الشخص المسئول عن الافتاء)

يجب أن يكون مجتهدا بالمفهوم الإسلامي للإسلام الاجتهادي. والمجتهد هو عالم دين قادر على التحليل المنطقي العميق لنصوص القرأن ودروس السنة النبوية بشكل يؤهله لأستنباط أحكام في أمور معقدة.

أن يفهم معاني وتفاسير وأسباب نزول مالا يقل عن 500 أية قرآنية متعلقة بمسائل قانونية.

دراية عالية بعلم الحديث.

دراية عالية باللغة العربية.

دراية عالية بالناسخ والمنسوخ من القرآن.

خبرة في القانون الإسلامي.

معرفة كاملة عن جميع الفتاوي السابقة بغض النظر عن الجهة المصدرة للفتوى

 و للمتابع انا قلت قبل كدا انا بكتب على مدونتى رأيى فى اى حاجة من وجهة نظرى و المعلومات ال كاتبها دى كلها من مواقع موثوق فيها فا خلاصة الكلام ان احنا فى مصر بقينا بنحلل و نحرم بناءا على الموقف لو الموقف عاوزينة حلال يبقا حلال لو مش هينفع خلاص يبقا حرام و دا غلط دا ال خلا الرشوة لازم تدفع علشان شغلك يمشى و دا ال خلق كل المبررات الغلط ال بنضحك بيها على نفسنا و الموضوع بدأ كمان يتدرج مبقاش حلال و حرام بس لأ بقا فى الصح و الغلط بردة تيجى تسأل واحد التحرش صح ولا غلط سؤال اساسا مش منطقى انة يتسأل يقولك لا يا عم ما الناس عندها كبت او يقولك ما لبس البنات مستفذ او اى مبرر غلط يضحك بية على نفسة .. الحلال حلال و الحرام حرام بغض النظر عن الوقت و عن الظرف ال حاصل فية الموقف و انا شايف انى احاول اعمل الصح ولو هعمل حاجة غلط مكابرش و اقول انها صح لا لو بعمل حاجة غلط و مش عارف اصلحها اقول انها غلط مش عيب انى اعترف انى بعمل حاجة غلط بس العيب انى احتقر عقلى و اضحك علية و اقنع نفسى ان الغلط دا ممكن يمشى صح المرة دى علشان خاطرى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s