الف كلمة بينى و بين نفسى

الف كلمة بينى و بين نفسى

بسم الله الرحمن الرحيم

اولا انا مش كاتب ولا انا مفكر ولا انا مؤلف بس انا مجرد شخص بيحاول يفكر فى ال كل حواليه خايفين يفكروا فيه ! الدين و ربنا و الحلال و الحرام و المسيحين و اليهود كفرة لا المسيحين و اليهود اهل كتاب طيب هندخل الجنة و هما هيدخلوا النار اه لأ كل الكلااام دا الناس بتحاول تتهرب منه و لو حد عندة يقين فى رأيى بيكون اليقين دا خاطىء لانه مش مصرح بيه انا الحمد لله مسلم و فخور ب كدا و لكن مش معنى انى مسلم ان انا صح و ان المسيحين و اليهود و البوذيين و الهندوس و كل البشر التانين دول غلط ليه غلط انا مسلم علشان انا اتولدت لقيت والدى و والدتى مسلمين و المسيحى مسيحى علشان اتولد لقا اهلة بردة كدا و هكذا هتقولى طيب ما انتا ربنا خالقلك عقل تفكر بيه تمام صح انا معاك بس دا كلام كلام بنقولة علشان نثبت لنفسنا اننا صح بمعنى اخر نفترض ان انا مسلم هل انا عندى الجرأة انى اقرا الانجيل و التوراة و كل الديانات الاخرى و افكر انهى الانسب بالنسبالى و انهى ال بيجاوب على تساؤلاتى و على كل علامات الاستفهام ال عندى ؟؟ جاوب انا عن نفسى كــ مروان مقدرش اعمل كدا و لما حاولت لقيت الموضوع فيه حاجة غلط انا نزلت كتاب التوراة بالعربى و حاولت اقراه دخلت على النت نزلت كتاب الله اعلم ان كان اصلا هوا التوراة الحقيقية ولا لأ بالعربى و حاولت اقراة و مكملتش كام صفحة و قفلت الكتاب و مستفدتش اى حاجة ولا فهمت اى حاجة خلاصة الموضوع يعنى مش معنى انى مسلم يبقا المسيحين غلط و مينفعش احكم على الناس و اقول المفروض كل واحد يدور فى الاديان التانيه و يختار الانسب له و ال يقول كدا يبقا حاجة من الاتنين يا بيضحك على نفسة علشان يثبت لنفسة انه هوا صح و الباقى غلط يا اما هوا فعلا كدا و لو فى حد فعلا كدا قرأ كل الاديان و اختار دين منهم بغض النظر هوا اختار الدين دا ليه او ايه الدين ال اختارة بس انا اتمنى انى اتعرف عليه ..

ثانيا عندى بردة شوية حاجات تانيه لييه اصلااااا المسلمين عاوزين يثبتوا ان المسيحين غلط والمسيحين عايزين يثبتوا ان المسلمين غلط و كل دين عاوز يغلط الاديان التانيه ليه يعنى و ليه بردة لما طفل يجى يسألك مين ال هيدخل الجنة  ومين هيدخل النار بنقول احنا ال هندخل الجنة و هما هيدخلوا النار و اكيد المسيحين عندهم نفس الفكرة بردة ليه يعنى هستفيد ايه ما ناخد الموضوع بطريقة تانيه ال هيا ان ربنا خلقنا كلنا و بما ان كلنا عارفين ان ربنا دا اله و احسن و اكبر مننا كلنا مسلمين بقا مسيحين يهود ايا كاان المهم اننا كلنا عارفين ان ربنا اكبر من الجميع يبقا ربنا دا رب كل الناس و بعدين مفيش حد عارف ربنا هيحكم علينا بناءا على ايه يعنى مثلااا دلوقتى راجل مسلم و قال الشهادتين بس راجل فاسد و بيشرب خمرة و بيعمل بلاوى هل دا هيدخل الجنة ؟؟ طيب واحد يهودى بس راجل كويس و بيعمل اعمال خير و بيعبد ربنا حق عبادة زى ما التوراة بتاعتهم بتقول و راجل محترم هل دا هيدخل النار ؟؟ طيب ليه يدخل النار مع انه راجل كويس جدا بلاش دى الناس ال بنسمع عنهم كل يوم فلان الفلانى ال مسيحى و ال ملحد و ال هندوسى بس بيتبرعوا بثرواااات مهولة للدور الايتام و للتعليم و بيساعدوا الناس هل ربنا هيدخل الناس دول النار علشان مجرد انهم مقالوش الشهادتين و هيسيب كل الحسنات ال عملوها فى حياتهم !! الصراحة حاجة مش مقنعه مفيش حاجة اسمها ان ربنا هيدخلنا النار و هيدخلهم الجنة او العكس في حاجة اسمها ربنا دا ربنا كلناااا بكل اشكالنا و طوائفنا و انواعنا و المفروض اننا نعبد ربنا زى ما هوا عاوزنا نعبدة مش زى ماحنا عاوزين نعبدة يعنى مش شرط انى علشان مسلم يبقا كل الناس مسلمين اييه المشكلة لما يبقا فى ناس بردة بتعبد ربنا بس بطريقتها انا ماااااالى احكم عليهم انهم هيدخلوا النار ليه و اساسا انا بحكم بصفتى اييه انهم هيدخلوا النار ولا هيدخلوا الجنة محدش عارف مقاييس حكم ربنا على البشر يوم القيامة اه اكيد في ارشادات عن الحاجات دى فى القران دا مؤكد بس بردة مش كل حاجة لان دا مش من اختصاصنا كا بشر دا حكم الهى حكم الهى يعنى ربنا ال هوا خلق الفيل و خلق النملة و ربنا ال بيحيك و بيموتك و ربنا ال بيخليك ابيض او اسود اكيييد عندة طرق فى الحكم على البشر مش عندنا و يمكن حتى احنا لو عرفناها منقدرش نستوعبها .

انا عارف انى طولت فى الكلام و اتكلمت كتير بس بجد الموضوع دا مضايقنى جدا و حاسس ان الناس كلها عاوزة تفصل باقى البشر على مزاجها و كل فئة ولا مجموعه عاوزة ربنا يبقا بتاعهم هما و بس ! طيب حاجة كمان ليه ربنا خلق المسلمين و المسيحين و اليهود ما ربنا كان يقدر يخلق مجموعه واحدة بس موحدة الدين و اللغه و كل حاجة اكييد الاختلاف دا فية منه هدف يمكن الهدف من الاختلاف انك تفكر فى الاختلاف نفسة تقول ليه ربنا خلق الناس دى و خلقنا كدا ! كتير بشوف جروبات على الفيس و مواقع على النت فيها ناس مسيحين بيشتموا مسلمين و جروبات تانيه مسلمين بيشتموا مسيحين اكيد لا دا الدين المسحي ولا دا الدين المسلم و لا دا صح ولا دا صح الصح انك تعبد ربنا زى ما هوا عاوزك تعبدة تعمل ال انتا من جواك مقتنع انه صح اعمل خير و صلى لربنا سواء كنت مسلم و لا مسيحى ولا يهودى فكر فى الدنيا ال حواليك فكر فى ربنا فكر فى اشكال و انواع البشر فى الوان الطبيعه ف كل حاجة دا احسن ما تشتم واحد لمجرد انه بيعبد ربنا بطريقة مختلفه عن طريقتك .

انا كلامى خلص و الكلام دا بعيد تمام البعد عن كونى مسلم انا بقول الكلام دا من منطلق تانى هوا انى بنى ادم و موضوع دينى دا بينى بقا و بين ربنا و لما اتجوز و اخلف مش هقول لولادى ان احنا هندخل الجنة و هما هيدخلوا الناس بس هقولهم يعملوا الحاجات الكويسة علشان ربنا يرضى عنهم  وعلشان ربنا خلقنا فى الدنيا دى علشان نعمر الكون بالخير مش علشان نشتم بعض و نموت بعض بس كدا خلاص

One thought on “الف كلمة بينى و بين نفسى

  1. بجد والله مقال جميل اوووووووووووووى ربنا يقويك يا رب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s