تجربتى مع كتمان المعلومة

بسم الله الرحمن الرحيم

اللهم علمنا ما ينفعنا  وانفعنا بما علمتنا و زدنا علما انك انت العليم الحكيم

مبدأيا المقال دا بالعامية و طبعا انا مش كاتب ولا اى حاجة بس مجرد بفضفض كدا تمام .

الموضوع دا عن نشر العلم و خصوصا فى البلدان العربية , من حوالى سنتين كدا اول ما بدأت حياتى مع الدروس ال على النت و بدأت اتفرج على فيديوهات و اتابعها و بدأت اتابع مع الناس ال بتنشر الكورسات دى و كدا صادفتنى مواقف غريبة اوى اولها انه كان عن عندى احساس قاتل ان المعلومة ال اعرفها دى مش المفروض اقولها لحد و المبرر ( ان انا تعبت فى البحث عن المعلومة دى و غيرى متعبش فا مش من حقة انه يعرفها ) و طبعا كانت فكرة خاطئة مليون فى المية و ال غير الفكرة دى عندى فى الاول شخصين الشخص الاولانى ( عبد الله عيد ) و دا مبرمج سعودى و عضو هيئة التدريس فى جامعة ام القرى الراجل دا لقيتة عامل قناة على اليوتيوب فيها ما يزيد عن 1000 فيديو شروحاات كاملة للغات برمجة كاملة قلت غريبة واحد زى دا ماشاء الله ربنا يزيدة و يكرمة عندة علم كتير ليه بيدية للناس بدون مقابل بدأت اتابع معاه و دخلت على الموقع بتاعه لقيتة كاتب جملة معناها باختصار ما اجمل ان تكون حي و انت ميت !! يعنى ايه ال فيديوهات دى صدقة مثلا او تخليد ليه وهوا حى و هتفضل تخليد ليه الواقع انه ايووة هوا كدا بالظبط , اما الشخص التانى بقا واحد اسمة توماس البرت الراجل دا نفس الموضوع بردة عندة قناة على اليوتيوب و بيحط عليها دروس بس المرة دى كنت مستغرب جدا بقا لان عبد الله عندة مبرر قوى انه بيعمل كدا علشان مسلم و علشان يفيد الامة الاسلامية و بردة علشان صدقة لكن توماس لما سألتة كان عندة مبرر تانى خالص قالى ببساطة لو مساعدتش الناس محدش هيساعدك ( بالانجليزى طبعا ) . بعدها حسيت انه لأ الموضوع دا مش عادى لازم افهم ازاى اساعد الناس وليه اساعدهم المهم دورت كتير و لقيت فضل كبير جدا موجود فى كتاب اسمة فصل العلم صحيح البخارى موجود فيه فضل العلم و لقيت ان باختصار زكاة العلم اخراجة و ايات و احاديث صحيحة كلها بنفس المعنى دا انه لو عندك معلومة و كتمتها عن الناس ربنا مش هيفيدك بيها و من ساعتها و انا مش ببخل على حد بمعلومة و لو حد سألنى فى حاجة و انا مش عارفها مش بيجيلى نوم و انا مش عارفها بقعد ادور لحد ما اجيبها و اقولها فا من غير ما نعتبر الجمل ال جاية دى نصح ولا اى حاجة بس ممكن تعتبرها خلاصة خبرة ولو كانت قليلة , عرفت يعنى ايه ربنا يمن عليك بنعمة المعرفة انك تبقا عارف حاجة فى غيرك نفسة يعرف و مش قادر ممكن انتا ربنا مديك القدرة انك تشترى كتاب و تعرف منة غيرك معهوش تمن الكتاب فا متبخلش عليه بالمعلومة و ربنا هيديك من علمة و متنساش ربنا ( العليم الحكيم ) ثانيا مفيش حد عارف كل حاجة حتى فى مجالة مستحيل تلاقى مثلا مدرس عربى عارف كل كلمات اللغة العربية او مدرس انجليزى عارف كل كلمات اللغه دايما مهمااا كنت عارف فا انتا مش عارف كل حاجة و من هنا فا ببساطة شديدة متستهونش بأى معلومة تتقال قدامك و اقعد اسمعها لانك هتستفيد فى حاجة انا ملاحظها ان معظم زمايلى بيصحوا الصبح و بيروحوا الكلية و يدخلوا القاعه و الدكتور يبدأ يشرح و هما مش مركزين معاه طيب ليه انتا صاحى الصبح و نازل من بيتكم فى الساقعه علشان تتكلم مع صاحبك ؟ ولا علشان تلعب فى الموبايل ؟ اكيد لأ فا طالما لأ يبقا متضيعش فرصة جتلك تتعلم حاجة مهما كان ال بيتقال هتستفيد منة مهما كان انشالله لو الدكتور دا واقف يحكيلك عن نفسة هتستفيد فى الاخر عاوز الخص بص الكلام الكتير دا فى جملتين

العلم امانة متضيعهاش و سلمها لل يستحقها

العلم نهر عسل لو حسيت بقيمتة مش هتشبع منه اوعى ف يوم تزهق من التعليم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s